محمد علي حسن _ يكتب...
☆°°°•••°°°☆°°°•••°°°☆
ولو وجعك في يوم قلبك
من الدنيا ومن ناسك
فوقف مرة إحساسك
وشاور للي بيقدر
ويفهم حلو كراسك
ولو وجعك في يوم قلبك
ف خد سن الإبر معنى
وقول للمعنى يسمعنا
وداري السهد في عيونك
وقول الجرح لوعنا
ولو وجعك في يوم قلبك
متجريش ع اللي كان ساهم
و لا قدر و لا فاهم
مينفعش ف مواجعك بوح
لناس بيداووا ب مراهم
ولو وجعك في يوم قلبك
إرمي الكل ورا ضهرك
كلامك هو كان مهرك
ومهرك هو إحساسك
بإن العشق كان مهرك
#محمد علي حسن
ليست هناك تعليقات:
إرسال تعليق