شرف الدين فاروق أحمد
#:::::::::::::::::::::::::::::::::::::::#
(عزة نفس)
(إن سألت فأسأل الله)
على المحتاج ناس عدت
وناس فاتت
عيونه كلها ............شكوى
لكن ساكت
أهو كتير شكي .......ليهم
ماشافشي غير .. بلاويهم
ولما أحتاج في يوم ليهم
لقي قلوبهم خلاص ماتت
.....
بإيه هايفيد .........مد الإيد
لناس الرحمة عنها .... بعيد
لاحُزنه كان.......... مأثرهم
ولا دموعه كانت..... بتفيد
بكى المحتاج على ....حاله
دا كله مش واخد....... باله
ولما إتقفلت......... الأبواب
قال يارب ..............وإداله
......
ووجه للبشر ............لومه
وزادت في القسا..همومه
بإن الناس بقت..... قاسية
وتعمل إنّها ............ ناسية
تشوفه مايمتلكشي القوت
وشكله حي شابع ....موت
وينام حزين من القسوة
ويحسدوه على....... نُومه
كلمات الشاعر/ شرف الدين فاروق أحمد
ليست هناك تعليقات:
إرسال تعليق